Jöfnun húshitunarkostnaðar er eitt af stærstu málum er varða jöfnun búsetuskilyrða í landinu. Til umfjöllunar á Alþingi er nú frumvarp um breytingar á lögum um niðurgreiðslu húshitunar. Breytingin á að fela í sér aukið fé verði til reiðu vegna kostnaðar við uppbyggingu hitaveitna. Ekki er um háar fjárhæðir að ræða og hvetur FV atvinnuveganefnd Alþingis að hraða breytingum á þessum málaflokki enda liggi fyrir vilji ríkisstjórnar um þetta samkvæmt fundi hennar á Ísafirði þann 5. apríl 2011. 

Umsagnir FV er að finna á vef Alþingis og hér á vef sambandsins undir útgefið efni.

"Ályktun stjórnar Fjórðungssambands Vestfirðinga, varðandi þingsályktun um samgönguáætlun 2011-2022, samþykkt á fundi stjórnar 20. febrúar 2012.

Fjórðungssamband Vestfirðinga lýsir ánægju með þær yfirlýsingar ráðamanna að ástand samgöngumála í fjórðungnum kalli á verulegar úrbætur umfram aðra landshluta.  Vestfirðir eru nú eini landshlutinn sem ekki hefur fengið nútímalegar vegabætur á milli helstu þéttbýlisstaða eða til að tengja öll byggðarlög aðalþjóðvegakerfi landsins. Ný samgönguáætlun, sem ástæða er til að fagna að loks hafi verið lögð fram, verður að taka mið af þessari staðreynd, ef stjórnvöld vilja uppfylla markmið um greiðar samgöngur og jafnræði þegna landsins.  Með því að verkefnin á Vestfjörðum verði sett í forgang í samgönguáætlun má best tryggja að orðum um forgang Vestfjarða í samgöngumálum fylgi efndir.

Af þessari ástæðu hvetur Fjórðungssamband Vestfirðinga þingmenn til að, annarsvegar að standa fast að áætlunum um að klára vegagerð um Austur-Barðastrandarsýslu, og hinsvegar að flýta mikilvægum framkvæmdum í samgöngumálum Vestfjarða, til að tengja saman þéttbýlisstaði og byggðir. Þar er mikilvægast að tengja Ísafjarðarsýslu og Barðastrandarsýslu og að tengja Árneshrepp við þjóðvegakerfi Strandasýslu. Dýrafjarðargöng og vegur um Dynjandisheiði hafa verið færð aftast í samgönguáætlun til áranna 2019-2022.  Hið sama gildir um nýframkvæmdir á Veiðileysuhálsi sem áætlaðar eru á árabilinu 2019-2022 og Bjarnafjarðarhálsi á árabilinu 2015-2018, á leiðinni frá Steingrímsfirði og norður í Árneshrepp. Þessar framkvæmdir verða að færast framar í röðinni, til að hægt sé að spyrna við fótum gegn óhagstæðri byggðaþróun eða jafnvel falli byggða á svæðinu. Tvöfalda þarf framlög til vegamála á Vestfjörðum á tímabilinu 2013-2018, til að það verði að veruleika. Þá fyrst verður hægt að tala um að Vestfirðir njóti einhverskonar forgangs á næstu árum.

Fjórðungssamband Vestfirðinga hvetur Alþingi Íslendinga til að taka samgönguáætlun til gagngerrar skoðunar og færa fram þær mikilvægu úrbætur sem Vestfirðingar hafa beðið eftir um langt árabil.  Þetta þarf að fjármagna á næstu 5-7 árum til að uppfylla markmið um jafnræði allra þegna landsins. Vestfirðingar horfa til samgönguyfirvalda og Alþingis um liðsinni í þessu mikilsverða máli fyrir framtíð byggðar á Vestfjörðum."

Í hvítbókinni er m.a. fjallað um nýjar aðferðir og viðhorf sem hafa rutt sér til rúms í náttúruvernd víða um heim og settar eru fram tillögur um hvernig koma megi þessum aðferðum og hugmyndum inn í íslenska löggjöf. Lögð er áhersla á að útfæra meginregur umhverfisréttar í nýjum náttúruverndarlögum, fjallað er ítarlega um friðlýsingar og annars konar verndaraðgerðir hér á landi, vatn, almannarétt og svo mætti lengi telja.

Opið umsagnarferli vegna hvítbókarinnar er nú hafið og stendur til 15. desember næstkomandi. Hvítbókin og umsagnirnar verða svo sem fyrr segir lagðar til grundvallar heildarendurskoðun núgildandi náttúruverndarlaga sem stendur fyrir dyrum. 

Hvítbókin var m.a. til umfjöllunar á Umhverfisþingi sem haldið var 14. október síðastliðinn á Selfossi. Til að koma til móts við þá sem ekki áttu heimangegnt þann dag efnir umhverfisráðuneytið til almennra kynningarfunda á nokkrum stöðum á landsbyggðinni. Fundurinn á Ísafirði verður haldinn fimmtudaginn 24. nóvember kl. 17 – 18:15 á 4. hæðinni í Stjórnsýsluhúsinu en þar mun Sigrún Ágústsdóttir, sviðsstjóri á Umhverfisstofnun, kynna efni hvítbókarinnar og svara spurningum. Eru allir áhugasamir hvattir til að nýta sér þetta tækifæri til að kynna sér innihald hvítbókarinnar. 

Nánari umfjöllun um hvítbókina, upptökur frá kynningunni á umhverfisþingi og bókina sjálfa má nálgast á vefslóðinni www.umhverfisraduneyti.is/hvitbok

Efni þingsins byggir á samþykkt, 56. Fjórðungsþingi Vestfirðinga sem haldið var 2. og 3. september s.l. í Bolungarvík, þess efnis að skipaður yrði starfshópur sem myndi skoða sameiningu Fjórðungssambands Vestfirðinga, Atvinnuþróunarfélags Vestfjarða, Vaxtarsamnings Vestfjarða, Menningarráðs Vestfjarða og Markaðsstofu Vestfjarða. Var það verkefni starfshópsins að útfæra sameiningu með það að markamiði að skapa stærri og öflugri einingu. Nú hefur umræddur starfshópur lagt fram tillögur sínar og hafa þær verði sendar út til kynningar til sveitarstjórna og annarra hagsmunaðila.  

Efni aukaþingsins er að kynning á framtíðarskipulagi stoðkerfisins og kosning um tillögur þess efnis.

Tillögur starfshóps og annað efni þingsins er að finna á heimasíðu Atvest. 

Greinargerð starfashóps er einnig að finna hér.

Minnisblað frá lögmanni Sambands íslenskra sveitarfélaga varðandi gildandi samninga má finnahér.

Álit Ferðamálastofu Íslands um tillögurnar má finna hér.

Formaður stjórnar Albertína Fr. Elíasdóttir, veitir nánari upplýsingar í síma 8484256.

2011 rennur út á miðnætti 6. október næstkomandi. Menningarráð Vestfjarða auglýsir eftir umsóknum um styrki til menningarverkefna á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum.

Hægt er að sækja um stuðning við hverskyns menningarverkefni, svo framarlega sem umsókn eða verkefni stangast ekki á við úthlutunarreglur sem samþykktar eru við hverja úthlutun. Umsóknir og verkefni hverju sinni eru borin saman á samkeppnisgrundvelli.

 Menningarráð Vestfjarða hefur ákveðið að við seinni úthlutun ársins 2011 verði horft sérstaklega til verkefna sem uppfylla eitt eða fleiri eftirtalinna atriða:

- Verkefni sem efla samstarf á sviði menningarmála á Vestfjörðum.

- Verkefni sem stuðla að nýsköpun og fjölbreytni í menningartengdum verkefnum.

- Verkefni sem fjölga atvinnutækifærum á sviði menningar.

- Menningarstarfsemi sem styður við ferðaþjónustu.

- Verkefni sem stuðla að þátttöku barna og unglinga í listsköpun og menningarstarfi.

Umsóknarfrestur er til miðnættis fimmtudaginn 6. október. Úthlutun fer fram í nóvember. Umsóknum skal skilað til Menningarráðs Vestfjarða á til þess gerðu eyðublaði eða í gegnum umsóknarform á vef Menningarráðs Vestfjarða - www.vestfirskmenning.is - undir tenglinum Styrkir. Umsækjendur eru eindregið hvattir til að kynna sér úthlutunarreglur Menningarráðs á sama stað og þar má nálgast lista um verkefni sem styrkt hafa verið við fyrri úthlutanir.

Vakin er athygli á þeirri breytingu að fylgiskjöl með umsóknum eru afþökkuð, allt sem skiptir máli á að koma fram í umsókninni sjálfri.

Allar nánari upplýsingar veitir Jón Jónsson menningarfulltrúi Vestfjarða í síma 891-7372 eða í netfanginu menning@vestfirdir.is.

Hópurinn mun ferðast til Reykhóla þar sem meðal annars verða skoðuð þaraböðin og þörungaverksmiðjan. Þá mun hópurinn kynnast notkun Íslendinga á há- og lághita. Ferðinni lýkur svo á fimmtudaginn í Reykjavík þar sem kynningar verða á ýmsum verkefnum Íslendinga tengdum endurnýjanlegum orkugjöfum.