Fjórðungssamband Vestfirðinga auglýsir nú tímabundið starf verkefnisstjóra til að vinna að undirbúningi á tilflutningi á málefnum fatlaðra á Vestfjörðum frá ríki til sveitarfélaga. Auglýsing þess efnis birtist í fjölmiðlum næstu daga en auglýsinguna er einnig að finna hér

Á Alþingi eru nú til umfjöllunar frumvarp til laga um breytingar á skipulagslögum og mannvirkjalögum. Fjórðungssamband Vestfirðinga hefur sent umhverfisnefnd Alþingis umsagnir vegna framangreindra frumvarpa. Umsögn um skipulagslög má finna hér og um mannvirkjalög hér . Samband íslenskra sveitarfélaga hefur einnig skilað inn umsögn, sem finna má á vefnum www.samband.is Þetta er í þriðja sinn sem frumvarp til breytinga á framangreindum lögum er sett fram á Alþingi á síðustu fjórðum árum. Sveitarfélögin og samband íslenskra sveitarfélaga hafa gert verulegar athugasemdir við innihald þeirra. Nú þegar málið er lagt fram í þriðja sinn hefur margt verið fært til betri vegar og

Fulltrúar úr stjórn og samgöngunefnd Fjórðungssambands Vestfirðinga eiga fund með samgöngunefnd Alþingis í dag 20. maí. Fundurinn verður haldinn í Reykjavík og með aðstoð síma. Á fundinum verður fylgt eftir áskorun samgöngunefndar Fjórðungssambands Vestfirðinga og umsögn sambandsins varðandi þingsályktunartillögu um samgönguáætlun 2009-2012 sem nú er til umfjöllunar á Alþingi. Áskorun samgöngunefndar Fjórðungssambands Vestfirðinga má finna hér og umsögn sambandsins hér

Sjávarútvegs- og landbúnaðarráðherra hefur lagt fram á Alþingi frumvarp til laga um skeldýrarækt. Fjórðungssamband Vestfirðinga gerir alvarlegar athugasemdir við efni frumvarpsins þar sem nær algjörlega er horft framhjá aðkomu sveitarfélaga að skipulagi þessa nýja málaflokks. Fjórðungssamband Vestfirðinga leggur áherslu á aðkomu sveitarfélaga á skipulag starfsemi sem fer fram innan strandsvæðis þeirra, á sama hátt og þeim er falið skipulagsvald á landi, í annan stað að horft sé fram til að stækka þá lögsögu. Tillögur frumvarpsins er að ráðherra fari með það vald að geta sagt fyrir um ræktunarsvæði við landið án þess að sveitarstjórnir hafi nokkuð um það að segja. Fjórðungssambandið

Aðalfundur Atvinnuþróunarfélags Vestfjarða verður haldinn í fundarsal Þróunarseturs Vestfjarða, Ísafirði, þriðjudaginn 11. maí og hefst kl 13.00.

Samgönguráðherra og Vegagerðin hafa orðið við beiðni Reykhólahrepps, Tálknafjarðarhrepps og Vesturbyggðar að mæta til opins fundar í Félagsheimilinu á Patreksfirði til að kynna lögfræðiálit, um áhrif hæstarréttardóms frá í nóvember 2009 um leiðarval Vestfjarðarvegar 60 um Gufudalssveit í Reykhólahreppi og áframhald framkvæmda. Fundurinn hefst kl 20.00 og er eins og áður segir öllum opinn. Væntir Fjórðungssambandið að tækifæri gefist einnig til að ræða forsendur nýrrar samgönguáætlunar við ráðherra samgöngumála. Fjórðungssamband Vestfirðinga hvetur alla sem hafa tök á að mæta til þessa fundar.