Næstkomandi fimmtudag stendur umhverfisráðuneytið fyrir almennum kynningarfundi á Ísafirði um hvítbók sem nefnd um endurskoðun náttúruverndarlaga skilaði af sér í haust og felur í sér heildarúttekt á lagaumhverfi náttúruverndar á Íslandi. Hvíbókin verður grunnur að væntanlegri endurskoðun náttúruverndarlaga sem unnið verður að á komandi mánuðum. Í hvítbókinni er m.a. fjallað um nýjar aðferðir og viðhorf sem hafa rutt sér til rúms í náttúruvernd víða um heim og settar eru fram tillögur um hvernig koma megi þessum aðferðum og hugmyndum inn í íslenska löggjöf. Lögð er áhersla á að útfæra meginregur umhverfisréttar í nýjum náttúruverndarlögum, fjallað er

Þann 25. nóvember n.k. verður haldið aukaþing Fjórðungssambands Vestfirðinga í Edinborgarhúsinu á Ísafirði, um stoðkerfi atvinnu og byggða, þingið hefst kl. 11:15. Þingið er haldið samkvæmt samþykktum Fjórðungssambands Vestfirðinga. Efni þingsins byggir á samþykkt, 56. Fjórðungsþingi Vestfirðinga sem haldið var 2. og 3. september s.l. í Bolungarvík, þess efnis að skipaður yrði starfshópur sem myndi skoða sameiningu Fjórðungssambands Vestfirðinga, Atvinnuþróunarfélags Vestfjarða, Vaxtarsamnings Vestfjarða, Menningarráðs Vestfjarða og Markaðsstofu Vestfjarða. Var það verkefni starfshópsins að útfæra sameiningu með það að markamiði að skapa stærri og öflugri einingu. Nú hefur umræddur starfshópur lagt fram tillögur sínar

Nú eru þrír dagar til stefnu fyrir þá sem ætla sér að sækja um styrki til Menningarráðs Vestfjarða. Umsóknarfrestur vegna seinni úthlutunar ársins 2011 rennur út á miðnætti 6. október næstkomandi. Menningarráð Vestfjarða auglýsir eftir umsóknum um styrki til menningarverkefna á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum. Hægt er að sækja um stuðning við hverskyns menningarverkefni, svo framarlega sem umsókn eða verkefni stangast ekki á við úthlutunarreglur sem samþykktar eru við hverja úthlutun. Umsóknir og

Fjórðungssamband Vestfirðinga tekur í dag á móti 20 manna hóp víðsvegar að úr Evrópu, sem er hér á landi til að kynna sér endurnýjanlega orkugjafa á vegum RenRen verkefnisins (Renewable Energy Regions Network). Fjórðungssamband Vestfirðinga er þátttakandi í RenRen, sem er samstarf 14 svæða innan Evrópusambandsins sem búa yfir sérþekkingu á sviði endurnýjanlegra orkugjafa í þeim tilgangi að stuðla að enn frekari notkun slíkra orkugjafa. Hópurinn mun ferðast til Reykhóla þar sem meðal annars verða skoðuð þaraböðin og þörungaverksmiðjan. Þá mun hópurinn kynnast notkun Íslendinga á há- og lághita. Ferðinni

Menningarráð Vestfjarða auglýsir eftir umsóknum um styrki til menningarverkefna á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum. Frekari upplýsingar má finna á vefsíðu Menningarráðs Vestfjarða www.vestfirskmenning.is

Dagskrá 56. Fjórðungsþings Vestfirðinga sem haldið verður í Félagsheimilinu Bolungarvík, 2. og 3. september n.k. liggur nú fyrir. Dagskránna má finna hér